Ernst Weber

De Vicipedia
Jump to navigation Jump to search
Ernst Heinrich Weber

Ernst Weber (1795-1878 ia nase 24 junio en Wittemburg, Deutxland, numero tre de 13 enfantes. El ia reseta sua diploma dotoral de la Universia de Leipzig en 1815, en fisiolojia. El ia comensa ensenia ala direta pos gradua, e ia continua asta sua jubilea en 1871.

Sua rexerca ia es xef sur la sensas de toca e cinestesia (la esperia de posa e move de musculos). El ia es la person prima per demostra clar la esiste de cinestesia, e el ia mostra ce toca ia es vera un colie de sensas, composada de sensas per presa, temperatur, e dole.

Sua intereses ia direta el a alga tecnicas: Prima, on ave la limita de du puntos, cual inclui la mesura de la distantia la plu peti notable per toca a partes variosa de la corpo. Per esemplo, la lingua ia ave la limita la plu peti (un mm), e la dorsa la plu grande (60 mm).

Un otra tecnica usa cinestesia: La difere apena notable es la difere la plu peti de pesa cual un person pote persepi cuando teninte du cosas. El ia descovre ce la difere apena notable ia es un frato de la pesas usada. Si tu teni un pesa de 40 kg en un mano, tu ta pote reconose ce un pesa de 41 kg en la otra es diferente. Ma si lo ia es un peso de 20 kg, tu ta pote reconose un difere de sola dui kg. En otra parolas, nos pote reconose un 1/40 difere, con cualce pesa.

Esta es nomida la lege de Weber, es la lege prima relatante un stimulo fisical con un esperia mental.