Epicuro

De Vicipedia
Jump to navigation Jump to search
Epikouros Met 11.90.jpg

Epicuro ia es un filosofiste elinica.

Sirca 300 aec a Atena, el ia fundi un scola filosofial, nomida "la jardin" (Kepos).

Sua filosofia ia ave multe seguores, ma sirca 600 ec un imperor cristian ia clui tota scolas noncristian en la Impero Roman.

De alora, la instruis de Epicuro ia es presentada en modo falsa e malformida.

Per fundi sua sistem filosofial, Epicuro ia xerca un prinsipe serta.

Esperia ia instrui Epicuro un fato serta. Tota omes e animales xerca la plaser e evita la dole.

La plaser es la ojeto cual tota omes vole ave.

En la filosofia de Epicuro, la plaser es la destina ultima. La plaser es la ojeto final.

Ma – Epicuro ia instrui – nos no pote prende la plaser sola par ativias como come, bevi, fuma o copula. Afin on es felis, un pico de acua e pan sufisi.

Epicuro ia dise:

Si, … me ave alga acua e un pan, donce … me osa compete en felisia con la dios.

La plaser es la asentia de dole, la asentia de dole de corpo, e la plu importante la asentia de dole de spirito.

La reposa completa de spirito (ataraxia) es la plaser ultima. Cuando un person ave reposa de spirito, el pote vive la bon vive.

Esta reposa de spirito no es posible cuando un person teme, es turbada, o ave desiras falsa. La ideas falsa produi teme, turbas e desiras. Donce nos debe combate la ideas falsa. La solve de nosa turbas es simple. Nos pote defeta la turbas per la conose vera. Per es felis, nos debe conose la natur de la universo. (vide: la frase vera 12).-

Nos pote resoma la instruis de Epicuro con cuatro frases corta.

La dios, ci nos no debe teme.
La moria, sur cual nos no debe es ansiosa.
La bonia, cual nos pote prende fasil.
La malia, cual nos pote tolera cuieta.

Vide ance[edita | edita la fonte]

Lias esterna[edita | edita la fonte]