Elias Lönnrot

De Vicipedia
Jump to navigation Jump to search
La creor de Kalevala

Elias Lönnrot / 'lønru:t/ (1802–84) ia es un dotor, botaniciste, lexicolojiste e filolojiste suomi.

La jovenia[edita | edita la fonte]

Elias Lönnrot ia nase en un casa peti en Sammatti, Suomi sude-ueste, como un fio de un talior. En sua jovenia el ia studia en la Academia de Turku (Åbo en svensce). Sua gradua minor (1827) ia trata Väinämöinen, la eroe de multe runas poplal en Carelia. La sujeto de sua gradua major (1842) ia es la medisines majial de la popla.

La ativias xef[edita | edita la fonte]

De 1833 a 1853, el ia servi como la dotor xef de la rejion de Kajaani, en Suomi este. A pos, el ia es un profesor sur la lingua e leteratur suomi, de 1853 asta 1862 en la Universia de Helsinki.

Ja como un studiante, el ia comensa colie poesias poplal. Como la resulta de sua esploras en multe locas de Suomi, Carelia, Esti e Sami, la produidas nasional importante ia apare: Kalevala vea (1835–36), Kanteletar (1840–41) e Kalevala (nova) (1849). Estra los, Lönnrot ia publici colies de proverbos, enigmas e encantas. Lönnrot, con sua amis, ia fundi (1831) Suomalaisen Kirjallisuuden Seura, la organiza per la leteratur suomi.

La plu importante de sua susedes es Kalevala, la libro cual ia deveni un simbol per la cultur suomi. Lönnrot ia composa lo par combina la runas colieda con sua propra poesia. La resulta es un nara, coerente e stimulante, scriveda en stilo forte e colorosa.

Otra ativias[edita | edita la fonte]

  • editor de Mehiläinen ("abea"), la revista prima en suomi
  • editor de Flora Fennica sur la plantas en Suomi
  • editor de la disionario grande suomi–svensce

Referes[edita | edita la fonte]

  • La fonte xef per la crea de esta article ia es Iso tietosanakirja (WSOY), primida en Porvoo 1996