Ejacula

Ejacula es la emete de semin (la ejaculada; normal conteninte spermas) de la testiculos tra la penis e a estra la uretra. Lo es la fase final e la ojeto natural de stimula sesal mas, e un composante esensal de consepi natural. Pos formi un erije, multe omes emete fluente preejaculal en stimula ante ejacula. Ejacula envolve contraes nonvolente de la diaframa pelvisal e es normal liada con orgasma. Lo es un parte normal de la developa sesal umana mas.

Lo pote aveni spontan en dormi (un emete noturna). En casos rara, ejacula aveni par causa de maladia prostatal. Anejacula es la noncapasia de ejacula. Disejacula es un ejacula cual es dolosa o noncomfortosa. Ejacula retrogradal es la flue a retro de semin a en la vesica en loca de a estra la uretra. Ejacula prematur aveni corta pos la inisia de ativia sesal, e impedi copula longida. Un vasectomia altera la composa de la ejaculada como un forma de contraconsepi.