Eda de Fero en India

De Vicipedia
Jump to navigation Jump to search

La Eda de Fero de la sucontinente de India (pd Barat) es reconoseda como seguente la cultur Harappan tarde. La cultures major de la Eda de Fero de India norde es la cultur de vasos gris pintada (1200 a 600 aec) e la cultur de vasos briliada negra (norde) (700 a 200 aec). Esta coresponde a la traversa de la janapadas (renas tribal) de la periodo vedal a la des-ses mahajanapadas (renas) de la periodo proto-istorial, culminante en la emerje de la Impero Mauria budiste a la fini de la periodo.

Como en otra locas, la evidentes la plu temprana de fonde de fero predati la emerje de la Eda de Fero vera par alga sentenios.

Fabricadas de fero en Uttar Pradesh ia es datida par radiocarbono, incluinte fornones, con dutos de aira, e scoria, entre 1800 e 1000 aec. Usa de fero e fabrica de fero ia es comun en la plano sentral de la Rio Ganga e la Montes Vindhya este de la milenio du temprana aec. La comensa de la usa de fero ia es traditional asosiada con la migra a este de la popla vedal tarde, ci ia es ance videda como revoluinte la cultur material, spesial en Uttar Pradesh este e Bihar. Otra studias sujeste ce la usa de fero ia aveni en otra partes de la pais, e ce India ia es posible un fonte autonom de la usa de fero.

La locas plu temprana de la Eda de Fero en India sude es Hallur, Karnataka, e Adichanallur, Tamil Nadu, a sirca 1000 aec.