Druid la dragon
| Druid la dragon ' | ||||||
|---|---|---|---|---|---|---|
|
Druid la dragon es un poesia elefen scriveda par Guido Crufio en 2011.
Tema
[edita | edita la fonte]La poesia nara la vive de un dragon nomida Druid, cual ia nase en la Contia de Clwyd (Cimri).
En la parte prima de la poesia se presenta Druid e on parla como el ia e nase e crese. Ance on leje sur como el ia rena en Snowdonia, en Cimri.
En la parte du, Jorj, la santa padronal de England, es presentada. El ia encontra Druid e ambos ia luta ma, como nun ia pote vinse, los ia deveni amis.
En la parte tre, Druid e Jorj abita "con lado a lado" e la dragon ia sposi a e ave enfantes.
Carateres
[edita | edita la fonte]La poesia ave du carateres: Druid la dragon e San Jorj.
Druid es un dragon naseda en la Contia de Clwyd (Cimri), do el ia crese a aprende cosas diversas como sputa foco.
San Jorj, un om de England ci vade a Cimri per luta contra Druid.
Analise
[edita | edita la fonte]Strutur interna
[edita | edita la fonte]La poesia ave 52 linias divideda en tre partes. Cada comensa par un frase, cual indica un segue en la tempo:
- A un ves pasada...
- Alora
- Aora
Cada strofe ave ses linias cual segue la rima AABBCC.
Figures lingual
[edita | edita la fonte]On trova anaforia en la linias 21 e 22:
Como sputa foco per fa cosas arde
Como combate contra cavalores
En ance en la linis 27 e 28:
El ia rena la tera sirca Snowdonia
El ia posese cada castel e fortres
Ance, on trova animali en como Druid es tratada, per esemplo, en la linia 44:
Los ia encontra sur un montania
San Jorj ia combate per Britania
Ma no Druid no Jorj ia pote mata
Tal a fini los ia fa un trata
Los ia deside deveni amis
E los ia presa la manos, felis
Otra figur es elidi, cual aveni cuando la article o alga preposada apare ante un vocal, como en la linia 9 (En la jira d'un venta mol').