Domingo de Toral y Valdés
Domingo de Toral y Valdés (Villaviciosa, Oviedo, 1598 - pos 1635), scrivor, soldato, viajor e aventuror espaniol de la Sentenio Orosa.
Fio de familia povre, el ia servi en Madrid a un senior, mas el ia fuji esente joven e ia vade "cuatro anios peregrinante tra Espania como otra Lazarillo de Tormes". Reveninte a la corte real, el ia vade a Flandes. Ala el ia servi en la compania de Francisco Lasso o Lazo de la Vega. Plu tarda el ia vade a India este con la governor Miguel de Noronha. Militar en Goa, el ia reconose la porto de Ormuz e ia partisipa en la aseja de Bombaça (Mombaza), site african. Enemi de la visre, el ia deside reveni a Espania tra Persia, viaja perilosa cual el ia fa de Ormuz a Ispahan, pos per Babilon asta Suria, el ia prende un barco en Alexandreta e ia ariva a Barselona en 1634.
El ia scrive tota esta en sua Relación de la vida del capitán Domingo de Toral y Valdés, escrita por el mismo capitán. La libro es trovable en un volum scriveda a mano en la Biblioteca Nasional de Madrid, sur la numero H-55.1. El ia scrive par causa de la premio peti pos tota un vive servinte la re. El critica la maneja real en Barat e nara la miserias dial suportante se sur multe datos. La nara de Toral es un atesta de la dejenera militar de la potia espaniol en la mundo.