Disturba de peristalsia esofagal

La sistem de dijeri, con la esofago en roja

Disturbas de peristalsia esofagal sinifia problemes cual afeta la movablia de comeda longo la esofago. Esta pote causa difisiles de engoli, nomida disfajia, o engoli dolosa, nomida odinofajia. Aclasia refere a la fali de la sfinter basa de la esofago per destensa normal, cual jeneral developa tarde en vive. Esta resulta en un grandi progresante de la esofago, e posible la developa de un megaesofago. Un esofago crasenozin refere a engoli cual pote es dolosa estrema. Spasmas de la esofago pote causa un dole en la peto simil a un ataca de cor. Tan doles refereda a la mur de la peto alta es comun en problemes esofagal. Sclerose de la esofago pote causa duri de la mures de la esofago e interfere con peristalsia. Un de la sinco leteras de la sindrom "crest" de scleroderma limitada (calsinose, la fenomena de Raynaud, disturba de la peristalsia esofagal, sclerodatilia, e telanjiectasias) refere a esta problemes.