Digaro (lingua)

De Vicipedia
Jump to navigation Jump to search
Un om de la popla Mixmi

La linguas digaro (o Mixmi norde) es un familia peti de linguas parlada par la popla Mixmi de Tibet sude e Arunachal Pradesh en India. La familia conteni du linguas: idu e taraon.

Taraon (acc digaro, tawra, darang) es parlada en la norde-este de Arunchal Pradesh en India e la Contia Zayu en Tibet, Xina. En India, lo es parlada en Hayuliang, Changlagan, e Goiliang grupos en la distrito Lohit, e en la distrito de Vale Dibang e Asam. Un estima de la cuantia de parlores es 35,000 (2001 conta).

Idu (xines: 义都语; piniin yidu yu) es parlada en la distrito Vale Dibang basa, la distrito Lohit, la distrito Siang este, la distrito Siang alta en Arunchal Pradesh, e en Contia Zayu en Tibet. en 1981, on ave 8569 parlores en India, e en 1994, sirca 7000 parlores en Xina. En un contia de 2001, on ave sirca 11,000 parlores total. La lingua es videda como menasada par estingui.

Esterna, la linguas digaro no es relatada a la linguas midju de la mixmi sude, an si ambos es posible en la familia grande de linguas xinotibetan. Ma ambos es ance posible nonrelatada a cualce otra lingua.