Dialeto

De Vicipedia

Un dialeto es un varia de un lingua. On usa comun la terma "dialeto" per sinifia alga varia diferente cual es parlada en alga contias (jeoleto). En linguistica antropolojial on dise ce un dialeto es un varia spesifada de un lingua como usada par un comunia. De esta perspetiva, no person parla un lingua, ma cadun parla un dialeto de la mesma.

A la otra lado, la usas de la terma "dialeto" ia es ja multe controversa. Per esemplo, on ia reserva la terma "dialeto" per linguas de poca prestijia con intendes political o cultural. An tal, on suposa ce dise "dialeto" es noncoreta cuando on refere a linguas vera, cual par razonas sosial o istorial on ia diminui como "inferior" a la propre, como en la usa de America latina en relata a la linguas Amerindian.

On no usa la consetas "lingua" e "dialeto" en la ambiente siensal e teorial de linguistica per fa un distingui ojetal, car la distingui entre la du consetas depende de un politica considerada, fada par la parlores de la dialetos diferente en alga contestos istorial.