Dia internasional de femes

De Vicipedia
Un poster per la Dia de femes, 8 marto 1914, esijente diretos de vota per femes

Dia internasional de femes es selebrada a 8 marto en cada anio. Lo es un punto de foco en la promove per diretos de femes.

Pos la Partito Sosialiste de America ia organiza un dia de femes a 28 febrero 1909 en New York, la 1910 Internasional sosialiste confere de femes ia sujeste ce un dia de femes ta es selebrada cada anio. Pos cuando la femes de Rusia Soviet ia gania la vota en 1917, 8 marto ia deveni un festa nasional ala. La dia ia es alora xef selebrada par la promove sosialiste e nasiones comuniste asta 1975, cuando la Nasiones Unida ia adota lo.

Oji, la Dia internasional de femes es un festa publica en alga nasiones, ma iniorada en otras. En alga locas, lo es un dia de protesta; en otras, lo es un dia cual selebra femia. Lo deveni plu popular en Europa ueste, la SUA, e otra paises noncomuniste en anios resente.