Denali

De Vicipedia
Monte Denali e Lago Wonder

Monte Denali es la monte la plu alta en America Norde, con un altia de 6190 m supra la nivel de mar. Topografial, lo es 6144 m supra la nivel de la tereno sirca lo, e es isolida topografial par 7450 km. Esta sinifia ce Denali es la monte tre de protrude e de isoli, pos Sagarmata e Aconcagua. Lo es locida en la Cadena Alaska en la interna de Alaska en la SUA. Denali es la foca de la Parce e Conserva Nasional Denali. La asende susedente prima ia es en 1913, par Hudson Stuck e Harry Karstens.

La popla coiucon ci abita la area sirca la monte ia refere a la culmina como "Denali" per sentenios. En 1896, un xercor de oro ia nomi lo "Monte McKinley" per suporta William McKinley, alora un aspiror per presidente de a SUA. Acel nom ia es fada ofisial de 1917 asta 2015. En agosto 2015, seguente la move par la stato de Alaska, la Departe de la Interna de la SUA ia cambia la nom ofisial a Denali.