Demanda

Demandas pote es formida en un varia de modos.

Demandas cual espeta un responde de "si" o "no" es nomida un demanda polal. Esemplos inclui "Esce tu desira zucar en tua te?", "Tu sabe carate?", etc.

Un demanda simil es la demanda de eleje: Esta tipo de demanda introdui du o plu respondes posible: "Tu prefere xace o cartes?", "Esce tu suporta Manchester o Newcastle?". E la responde espetada ta es en la forma de un de la elejes, o alga otra indica como "ambos" o "Liverpool" o "zero de los". En alga linguas, la ordina de parolas es cambiada.

La otra tipo major de demanda es la demandas nonpolal. Estas usa parolas de demanda, como cual, ci, do, cuando, cuanto, como, cual spesifia la informa cual es desirada. Linguas varia multe en la modo en cual los forma esta demandas. En lfn, la parola de demanda tipal comensa la frase. En otra linguas, los aveni en la loca do la responde ta vade ("tu vade do?"). Alga linguas cambia la ordina de parolas.

Demandas eticetin es formida par ajunta un espresa (la "eticeta") como "coreta?", "no vera?", "si", o "no", pos la demanda formida como un frase direta: "lo es calda oji, si?"

En ajunta a demandas direta (como "do es mea claves?"), on ave ance demandas nondireta. En lfn, los es espresada como un proposa nomin: "Me demanda a me do es mea claves", "Demanda a el do es mea claves". On pote vide ce la parola de demanda ia deveni un sujunta e la demanda un proposa nomin.

Parolas usada per introdui demandas

Nota a su, alga esemplos (indicada par la =) mostra ce on pote pone la parola de demanda ante la proposa o en sua loca normal en un frase direta. Pone lo a la comensa de un frase es multe plu comun.

Cual es usada como un ajetivo de demanda:

Tu veni de cual pais?
Cual fenetras es rompeda?
Cual pinta tu prefere?
Cual tu gusta?
Cual tu prefere, la rojas o la verdes?
Cual libro tu leje? = Tu leje cual libro?

Ce es ance un pronom de demanda, referente sola a cosas:

Cual es en la caxa?
Vos prefere cual?
Cual es acel musica fea? = Acel musica fea es cual??

Ci es un pronom de demanda, referente sola a persones:

Ci vole es un milionor?
Tu vade a la sinema con ci?
Ci es tu autor prefereda? = Tu autor prefereda es ci?
De ci es esta auto? = Esta auto es de ci?

'Cuando es un averbo de demanda, sinifiante a cual tempo, en cual tempo:

Cuando nos va come?
Cuando tu dormi? = Tu dormi cuando?

Do es un averbo de demanda, sinifiante a cual loca, en cual loca:

Do es la can?
Do es nos? = Nos es do?

Como es un averbo de demanda cual sinifia en cual modo: (en cual modo) is an adverb meaning "how":

Como nos parla? — How do we speak?
Como tu conose me nom? — How do you know my name?
Nos parla como? = Como nos parla?

Cuanto es un determinante e averbo cual sinifa en cual cuantia:

Cuanto casas es en tu strada?
Cuanto pan tu pote come?
Cuanto tu ia compra?
Cuanto la orolojo costa?
Cuanto tu desira esta torta?

Perce es un averbo de demanda cual sinifia par cual causa, per cual razona, con cual intende (la responde debe usa car o afin):

Per ce tu core? = Tu core perce?
Per ce Juan ia departe? = Juan ia departe perce?