Dama Negra (jua)

De Vicipedia
Jump to navigation Jump to search
Dama Negra

La Dama Negra es un jua de cartes american de la grupo de juas de cores per tre a ses juores, e la jua la popular de la grupo. Lo ia emerje en la sentenio 20 temprana como un estende de la jua de cores cual ia es orijinal nomida cores desprendeda, e es aora nomida per la carte de multe, la dama de spadas, pd la Dama Negra.

Esta es un jua de truco evita en cual la gol es evita prende trucos cual conteni cores o la dama negra. Cada cor es un punto, la dama es 13 puntos, e la pajo de spadas es ance incluida como 10 puntos. Nota ce puntos en esta jua, como en sua familia, es muntas, pd valuas negativa, e la gol es ateni la minpuntos posible.

La Dama Negra es ance nomida la Vidua Negra, Maria Negra, Ana Liscosa, Catia Coxiante, Maria Negra, etc. La pajo de spadas es ance nomida Jac Negra.

La jua segue la regulas comun: la juor vea comensa con la truco prima. La otras debe segue la familia si posible; si no, los pote jua cualce carte. La carte la plu alga de la familia orijinal ia gania la truco, e la ganior de la truco inisia la seguente.

Un inova en la jua moderna es "xuta a la luna" o simil, en cual un juor, spesial un ci ave un mano de "mal" cartes, atenta catura tota la cartes, pd tota cores e la Dama. Si el susede, el gania zero puntos, ma cada de sua oposores gania 26 (recorda ce la puntos es, en realia, negativas). Si el fali, el reseta 26 puntos se mesma. (Em regulas antica, el reseta 26 si el fali, ma si el susede, la oposores no es cargada con la 26.)

La sistem la plu comun per puntos es simple: un punto per cada cor, e 13 per la Dama (e, si usada, 10 per Jac).