Cualia de ata

De Vicipedia
Jump to navigation Jump to search

La cualia de ata o aspeta vocabulal (engles: lexical aspect, deutx: Aktionsart, italian: qualità dell'azione) es un terma de linguistica cual refere a un cualia de la sinifia de un verbo cual influe sua realis sintatical o morfolojial. En contrasta a otra cualias, como la aspeta gramatical, lo es nonvariante, car lo es determinada par la semantica e no par la sintatica.

Zeno Vendler (1957) clasi verbos en cuatro categorias:

  1. ativia – "el core"
  2. ateni – "el construi un casa"
  3. susede – "el trova sua auto"
  4. state – "el conose la om"

Ativias e atenis pote usa aspetas continuante o progresante, ma susedes e states no pote usa los. Ativias no ave un punto final, ma atenis ave. States continua, susedes aveni subita, e atenis prosimi sua fini en grados.

Bernard Comrie (1976) ajunta un otra categoria: la momento ("semelfactiva"), pe "el stornui". La momento difere de la state car lo indica un ata, ma la state no. Comrie introdui ance un distingui entre "telica" (con gol) e "nontelica" (sin gol). Atenis e susedes es telica, ma ativias, states e momentos es sin gol.

Bibliografia[edita | edita la fonte]

  • Comrie, B. (1976) Aspect: An Introduction to the Study of Verbal Aspect and Related Problems. Cambridge: Cambridge University Press.
  • Vendler, Z. (1957) Verbs and Times, The Philosophical Review 66:143-60.