Crise de la fini de la eda medieval

De Vicipedia

La crise de la fini de la eda medieval refere a un serie de avenis en la sentenios 14 e 15 cual ia fini sentenios de ricia e crese. Tre crises xef ia gida cambias estrema en tota areas de sosia: colasa demografial, nonstablias political e cambiones relijial.

Un series de famiones e pestas, comensante con la Famion Grande de 1315-17 e spesial la Mori Negra de 1347-1351, ia redui la cuantia de abitores cisa par dui o plu cuando la periodo calda medieval ia fini e la prima sentenio de la eda glasial peti ia comensa. Lo ia debe pasa 150 anios per regania la niveles de cuantia de abitores european de 1300.

Revoltas popular en Europa medieval tarda e geras interna entre nobiles a en paises como la Geras de la Rosas ia es comun (con Frans lutante interna a nove veses) e on ia ave lutas internasional entre res como Frans e England en la Gera de Sento Anios. La Impero Roman Santa ia es en declina; en la tempo seguente de la Interena (1247–1273), la impero ia perde coere e political la varia dinastias separada de la statos deutx diferente ia deveni plu importante ca sur impero comun.