Jump to content

Cric (lingua)

De Vicipedia
Cric
Mvskoke
Parlada en:
Area:
Tota parlores: 5 000
Familia: Linguas muscocean
State ofisial
Lingua ofisial de:
Regulada par:
Sifras
ISO 639-1: [1]
ISO 639-2: mus
ISO 639-3: [2]
SIL: [3]
Mapa
Vide ance: Lingua – Lista de linguas

La lingua cric (acc muscoce) es un lingua de la linguas muscocean parlada par la popla muscoce e seminol, ci veni orijinal de la parte sude de Georgia, SUA. Aora, esta popla abita en Oklahoma e Florida.

Fonolojia

[edita | edita la fonte]

Cric ave 13 consonantes e cuatro vocales, cual distingui longia e nasali.

consonantes

[edita | edita la fonte]
  labial alveolal palatal velal glotal
nasales m n
esplodentes p t t͡ʃ k}
fricantes sentral f s h
ladal ɬ
prosiminte l j w

La africante scriveda asi como t͡ʃ varia en sua loca de pronunsia entre alveolal t͡s e posalveolal t͡ʃ . La consonantes impedinte p t k tʃ s es vosida a b d ɡ d͡ʒ z entre consonantes sonante.

Vocales

[edita | edita la fonte]
anterior sentral posterior
vocal cluida iː
media cluida o oː
abrida a aː

Plu, cri ave tre diftongos: eɪ , oɪ , e aʊ (realida comun como əɪ oɪ əʊ ). La vocales corta i o a es comun sentralida ɪ ɔ ə en silabas cluida.

Tonos

[edita | edita la fonte]

On ave tre tonos fonemal en cric, cual no es jeneral marcada: alta, basa e cadente.

Scrive

[edita | edita la fonte]

La alfabeta cric tradisional ia es adotada par la tribu en la parte tarda de la sentenio de 1800. Lo ave 20 leteras. An si lo es fundida a la alfabeta latina, alga de la sonas es multe diferente de los en otra linguas:

Spele Sona (IPA) Elefen
a aː ~ a como a
c tʃ ~ ts como tx o ts
e ɪ como i, ma plu corta (como engles "bit")
ē iː como i
f f como f
h h como h
i ɛ ~ ɛj como e
k k como c
l l como l
m m como m
n n como n
o oː ~ ʊ ~ o como o o u ma plu corta (como engles "book")
p p como p
r ɬ un fricante ladal alveolal, como l ma permetente ce la aira vade sirca la lados de la lingua (como "ll" en cimri)
s s como s
t t como t
u ʊ ~ o como u ma plu corta (como engles "book") o o
v ə ~ a simil a a ma plu sentral (como la "a" en engles "ago")
w w como u consonantal
y j como i consonantal

Ave ance tre diftongos:

Spele Sona (IPA) Elefen
eu iʊ como eu
ue oɪ como oi
vo aʊ ~ əʊ como au

Alga consonantes en cric, cuando los aveni entre du sonorantes (vocales, m, n, l, w, o y), deveni vosida:

  • c pote sona como dʒ , como dj en elefen
  • k pote sona como ɡ , como g en elefen
  • p pote sona como b , como b en elefen
  • s pote sona como z , como z en elefen
  • t pote sona como d , como d en fn

Gramatica

[edita | edita la fonte]

Strutur de frases

[edita | edita la fonte]

Jeneral, la frase en cric segue la model de sujeto-ojeto-verbo. Nomes es segueda par ajetivos. Averbos aveni a la comensa de la frase (per tempos) o direta pos la verbo (per modos).

Verbos

[edita | edita la fonte]

En cric, un verbo solitar pote es traduida como un frase completa. La radis es la infinitiva, e es cambiada per...

  • Person de la sujeto.
    • Letketv = core.
    • Letkis. = Me core.
    • Letkeckes. (o Letketskes.) = Tu core.
    • Letkes. = El core.
    • Formas plural pote es plu complicada (vide a su).
  • Person de la ojeto. Esta es indicada par prefisas.
    • Hecetv = vide.
    • Cvhēcis = Me vide tu.
    • Cehēceckes. = Tu vide me.
    • Hvtvm Cehēcares. = Me va vide tu denova.
  • Tempo.
    • Pohetv = oia.
    • Pohis. = Me oia.
    • Pohhis. = Me ia oia (a un dia o min en la pasada).
    • Pohvhanis. = Me vade a oia (multe pronto).
    • Pohares. = Me va oia.
    • Pohiyunks. = Me ia oia (a un semana o min en la pasada).
    • Pohimvts. = Me ia oia (a un anio o min en la pasada).
    • Pohicatēs. = Me ia oia (a multe anios en la pasada).
    • Ave plu ca des plu tempos, incluinte varias perfeta de los a supra.
  • Moda.
    • Wiketv = para.
    • Wikes. = El para (indicante).
    • Wikvs. = Para! (comanda)
    • Wikv-wites. = El pote para (capas).
    • Wike-nomat. = Si el para (sujuntiva).
    • Wikepueces. = El causa ce el para (causante).
  • Aspeta.
    • Kerretv = aprende.
    • Kērris. = Me es aprendente (continuante).
    • Kêrris. = Me sabe (state resultante).
    • Kęrris. = Me continua aprende (nonperfeta, abitual, repetente).
    • Kerîyis. = Me ia aprende ja.
  • Vos.
    • Wihkis. = Me veni de para (vos ativa).
    • Cvwihokes. = Me veni de es parada (vos pasiva).
  • Negativa.
    • Wikarēs. = Me va para (positiva).
    • Wikakarēs. = Me no va para (negativa).
  • Demandas.
    • Hompetv = come.
    • Hompeckes. = Tu come.
    • Hompeckv? = Esce tu come?
    • Nake hompecka? = Cual tu come?

Alga verbos, spesial verbos de move, ave plurales noncoerente. Per esemplo:

  • letketv (core, con sujeto singular),
  • tokorketv (core, con du sujetos),
  • pefatketv (core, con tre o plu sujetos).

Un clase de verbos intera diferente es la verbos de state. En alga linguas, como elefen, los es espreseda par ajetivos.

  • Esemplo:
    • enokkē = es malada;
    • enokkēs = el es malada;
    • cvnokkēs = me es malada;
    • cenokkēs = tu es malada.

Sinifias espresada en elefen con averbos es espresada en cric con prefisas de loca:

  • Esemplo:
    • vyetv = vade (sola sujetos singular);
    • ayes = me vade;
    • ak-ayes = me vade en acua / en un loca basa / su alga cosa;
    • tak-ayes = me vade sur la tera;
    • oh-ayes = me vade supra alga cosa.

Per verbos de move, cric ave ance un eleje grande de verbos per sinifias spesifada:

  • ossetv = vade a estra;
  • ropottetv = vade tra alga cosa.

Posese

[edita | edita la fonte]

En alga linguas, on usa la caso jenitiva per indica posese. Cric usa du modas per esta, dependente de la natur de la nom.

Un parte de la corpo o un membro de la familia no pote es discuteda en cric sin indica la posesor; la posesor es un parte integrada de la parola. Un grupo de prefisas cambiable servi esta rol:

  • enke = sua mano;
  • cvnke = mea mano;
  • cenke = tua mano;
  • punke = nosa mano.

An si la posesor es indicada, la prefisa es ancora nesesada:

  • Toske enke = La mano de Toske.

Tota otra nomes usa pronomes preposada per indica posese:

  • efv = can;
  • vm efv = mea can;
  • cem efv = tua can;
  • em efv = sua can;
  • pum efv = nosa can.

Denova, on debe sempre inclui la preposada per indica posese:

  • Toske em efv = la can de Toske.

En cri, on usa nomes en loca de preposadas de loca:

  • yopv = la posterior;
    • cuko yopv = pos la casa;
    • cvyopv = pos me;
    • ceyopv = pos tu.
  • lecv = la inferior; eto = arbor;
    • eto lecv = su la arbor.
  • tempe = la prosima;
    • cvtempe = prosima a me;
    • cetempe = prosima a tu;
    • putempe = prosima a nos.

Esemplos

[edita | edita la fonte]
  • Family
    • Erke = padre
    • Ecke = madre
    • Pauwv = tio
    • Eckuce = tia
    • Puca = avo
    • Puse = ava
    • Cepane = fio
    • Hoktuce = fia

Lias esterna

[edita | edita la fonte]
Retraeda de "https://lfn.wikipedia.org/w/index.php?title=Cric_(lingua)&oldid=38053"