Comunia Anglican

De Vicipedia
Comunia Anglican
Anglican Communion

px
La Rosa de la Ventas, logo ofisial de la Comunia Anglican, simboli sua estende mundal e sua natur desentrida.

Informa
Tipo Cristianisme
Fundor Henry 8 de England
Gidor Justin Welby, Arcibispo de Canterbury
Dio Dio (Trinia Santa)
Libro santa Biblia
Nom de la seguores anglicanistes, episcopalianes
Cuantia de seguores 98 000 000

La Comunia Anglican es un asosia internasional de eglesas autonom constituida par la Eglesa de England e eglesas anglican rejional e nasional ("provinses") en comunia plen con lo.

La Comunia Anglican ia es instituida en la Confere de Lambeth en 1867 en London, England su la gida de Charles Longley, arcibispo de Canterbury. La eglesas de la Comunia Anglican considera los mesma parte de un eglesa santa, catolica e apostolal, e esente ambos catolica e reformida. An si aliniada con la Eglesa de England, la comunia ave multe credes, liturjias e praticas, incluinte evanjelial, libraliste e anglocatolica. Cada un reteni sua propre prosede leginte e politica bispal. Per alga aderores, la anglicanisme representa un catolicisme nonpapal, per otras un forma de protestantisme an sin un figur gidante como Luter, Knox, Calvin, Zwingli o Wesley e, per otras, es un combina de ambos.

Estende global de Anglicanisme[edita | edita la fonte]

La estende enorme en la sentenios 18 e 19 de la Impero Brites ia trae con el la anglicanisme. Prima tota esta eglesas colonial ia es su la autoria de la Bispo de London. A pos la Revolui American, la parocias en la pais autonom ia crede nesesada separa de un eglesa de cual la governor suprema ia es (e resta) la re brites. Tal los ia institui sua propre bispias e eglesa nasional, la Eglesa Episcopalian en la Statos Unida de America, en un separa amin.

En la mesma tempo, en la colonias cual ia resta liada a la corona, la Eglesa de England ia comensa nomi bispos colonial En 1787 un bispo de Nova Scotia ia es nomi con autoria sur tota America Norde brites e otra asosiores ia es nomida a otra sites de Canada. En 1814 un bispo de Calcutta ia es nomida en 1824 la bispo un cual es enviada a Indias Ueste e, en 1836, a Australia. En 1840 on ia ave sola des bispos colonial per la Eglesa de England, ma an esta comensa ia aida en la crese de Anglicanisme tra la mundo. En 1841 un "Consilio Bispial Colonial" ia instituida e multe otra bispias ia es creada.

Con la tempo, lo ia deveni natural grupi estas en provinses e un urban ia es nomida per cada provinse. An si lo ia es prima instituida en multe colonias, en 1861 lo ia es regulada ce, eseta si lo ia es spesifada, la Eglesa de England ia ave sola la mesma posa legal ce cualce otra eglesa. Con la tempo, la bispos ia es nomida local en ves de en London e a fini sinodos nasional ia comensa a pasa legi nondependente de England. Lambeth.

Un paso esensal en la developa de un comunia moderna ia es la idea de la developa de la Conferes de Lambeth. Esta conferes ia mostra ce la bispos de eglesas diferente ta pote mostra la uni de la eglesa an con la asentia de lias legal universal. Alga bispos ia no vole atende, temente ce la encontra ta declara se mesma un consilio con potia per legi per la eglesa; ma lo ia acorda pasa sola desides de consela. Esta Conferes de Lambeth aveni cada des anios de 1878 e resta la encontra plu vidable de la Comunia.

Bibliografia[edita | edita la fonte]

  • Hebert, A. G. The Form of the Church. London: Faber and Faber, 1944.
  • Ward, Kevin (2006). A History of Global Anglicanism, Cambridge, England: Cambridge University Press. ISBN 978-0-521-00866-2.
  • Wild, John. What is the Anglican Communion?, in series, The Advent Papers. Cincinnati, Ohio: Forward Movement Publications, [196-]. Note.: Expresses the "Anglo-Catholic" viewpoint.

Lias esterna[edita | edita la fonte]