Colie

De Vicipedia

La pasatempo de colie inclui la xerca, loca, oteni, orgniza, catalogi, esibi, conserva, e manteni de cosa interesante a la colior. Colies difere en aspetas variosa, la plu clar en la natur e estende de la cosas colieda, ma ance en la intende, presenta, etc. La estende de ojetos posible es cuasi sin limita, e coliores ia reali un cuantia grande de esta posibles, an si alga es multe plu popular ca otras.

En colies de cosas fabricada, la cosas pote es antica o simple coliable. Anticalias es tipal coliables ave 100 anios de eda. Coliables resente es clamada plu comun "efemeras".

Colie es un pasatempo de enfantia per alga persones, ma per otras lo es un ativia per la vive intera, o alga cosa comensada en adultia. Coliores ci comensa temprana en sua vives comun altera sua intendes cuando plu vea. Algas comensa par compra cosas cual atrae se e alora comensa labora a aprende como on construi un colie matur. Otras prefere developa alga sabia en un campo ante comensa compra. La emerje de la interede como un foro global ia resulta en multe fanes isolada trovante lunlotra.

Un colie de crasenozas