Carne de gal

De Vicipedia
Jump to navigation Jump to search

La carne de gal es la tipo de carne de avia la plu comun en la mundo. Par causa de la custa basa per produi lo en compara con animales como boves o porcos, la carne de gal ia deveni comun en cosinis de cultures variosa tra la mundo, e sua carne ia es ajustada a preferes rejional.

La carne de gal pote es preparada de formas multe diversa, incluinte forni, grili, frita e boli, entre otras, dependente de la intende. De la la media tarda de la sentenio 20, carne de gal preparada ia deveni un comeda major de comeda rapida. La carne de gal es a veses sitada como plu sana ca la carne roja, con min consentras de colesterol e gras saturada.

La industria de cultiva de avias ave formas variosa en partes diferentes de la mundo. En paises developada, gales es sujeto de metodos de cultiveria intensa, en cuando en areas min developada los eleva gales usante tecnicas de cultiva plu tradisional. La Nasiones Unida estima ce on ave 19 biliones de gales oji, cual sinifia ce los es plu multe ca umanas plu ca du a un.