Cari

De Vicipedia
Jump to navigation Jump to search
Varias diversa de caris indian

Cari es un terma jeneral referente a platos variosa cual orijina en la cosini de la sucontinente indian. La cualia comun es la usa de combinas complicada de spises o erbas, tipal incluinte curcuma, cumin, jinjer, coriandro, e txilis fresca o secida. La usa de la terma es jeneral limitada a la platos preparada en un salsa. Platos de cari preparada en India sude pote es ance spisida con folias de la arbor cari.

On ave multe varias de platos nomida "caris". Per esemplo, en cosinis tradisional, la eleje esata de spises per cada plato es fundida sur cultur, relijio, e preferes de la familia. Tal platos es nomida par refere a sua ingredientes, spises, e metodos de coce. Spises pote es usada intera o moleda, coceda o cru, e pote es ajuntada a momentos diferente en la prosede per produi resultas diferente. En ajunta a la spises tipal, otra spises pote es usada, dependente de la rejion jeografial e la comedas incluida (pex, lentiles, carne roja e blanca, ris, vejetables, crustaseos, e moluscos, etc). Alga curis es tota vejetaliste, comeda spesial par los ci ave razonas etical o relijiosa contra la come de animales. Polvos preparada en fabricas es, per la plu parte, un crea de la ueste, comensente en la sentenio 18. Acel miscas ia es prima preparada par mercatores indian per vende a membros de la governa colonial brites e la soldatos reveninte a Britan.

Caris pote es o "seca" o "moiada". Caris seca es coceda con licuida minimal cual es permeteda a evapora, lasante la otra ingredientes covredea con la misca de spises. Caris moiada conteni cuantias de salsa fundida sur iogurt, crema, lete de coco, crema de coco, [[pure] de legumes, pure de tomates, oniones craseda e sauteda, o bulion.