Calendario lunal

De Vicipedia
Un sirculo de petras en Scotland, cual ia es posible un calendario lunal de la eda neolitica

Un calendario lunal es fundida sur la sicles mensal de la fases de la luna. Car cada sicle es sirca 29.5 dias, lo es comun per menses de un calendario lunal per alterna entre 29 e 30 dias. Ma, car la periodo de 12 de esta sicles - pd, un anio lunal - es sola 354 dias, 8 oras, 48 minutos, e 34 secondos, calendarios lunal perde sirca 11 dias per anios, relativa a la calendario gregorian (pd la calendario solal). En calendarios pur lunal, como la calendario muslim, la menses lunal sicle tra tota saisones de la anio solal tra un curso de un siclo de 33 anios.

La plu de calendarios lunal no es pur lunal, ma "lunisolal". Sua menses es fundida sur la oservas de la siclo lunal, ma ajusta la siclo de anios par ajunta, per esemplo, un plu mensa cada anio du o tre. Esta es la modo de la calendarios ivri, xines, indu, e tai. An si la calendario gregorian (la calendario solal moderne e internasional) es comun e legal usada en la plu de nasiones, calendarios tradisional continua es usada tra la emisfero este per determina festes relijiosa e nasional.

En alga calendarios lunisolal, como la calendario xines, la prima dia de un mense es la dia cuando un luna nova aveni en sua zona de tempo. En otras, como alga calendarios indu, cada mense comensa a la dia pos la luna plen o la luna nova. Otras ia es fundida en la pasada sur la vide pria de un luna cresente, como en la calendarios ivri e muslim.