Calendario de Auguste Comte
Auguste Comte, en 1849, ia publici un calendario de 13 menses, cual el ia nomi la Calendario Positiviste. Lo conteni 13 menses de 28 dias o esata cuatro semanas. On ave un plu dia a la fini de la anio cual no ave un nom normal, e un plu dia (dia 366) en cada anio cuatro. Cada anio comensa a "lundi, la prima de Moxe". La calendario comensa con 1789 como anio un, e 2000 ia es la anio 212. Cada mense ave esta forma:
| Lundi | Mardi | Mercurdi | Jovedi | Venerdi | Saturdi | Soldi |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
Comte ia sujesta nomes per la menses:
- 1. Moxe
- 2. Homero
- 3. Aristotele
- 4. Arcimede
- 5. Caesar
- 6. San Paulo
- 7. Charlemagne
- 8. Dante
- 9. Gutenberg
- 10. Shakespeare
- 11. Descartes
- 12. Frederick II
- 13. Bichat
Cada dia es nomida per un person importante en campos pertinente a la person de la mense, per esemplo...
- 14 Moxe = Buda
- 21 Aristotele = Socrate
- 7 Gutenberg = Columbo
- 28 Shakespeare = Mozart
- 28 Descartes = Hume
- 7 Bichat = Galileo
La calendario e August Comte ia es partal adotada par International Fixed Calendar League, un asosia cual ia ave ofisias en London e Rochester, New York. La sola cambias: la semana comensa con soldi en loca de lundi, la nomes de la plu de menses es la nomes comun, un mense nova es poneda entre junio e julio, nomida "sol" o "midi", e la dia 366 es poneda a la fini de sol/midi. La asosia ia es cluida en la desenio de 1930.