Caldi global

De Vicipedia
Un urso blance faminte en la artica caldinte

Caldi global es un aumenta oservada en un periodo de tempo de la temperatur promedia de la clima de la Tera, un aspeta de cambia de clima mostrada par mesuras de temperatur e par efetos multiple de la caldi. An si periodo jelojial pasada ia esperia ance episodios de caldi, la terma comun refere a la aumenta, oservada e continuante, de temperatures promedia de aria e mar de 1900, causada xef par emetes de gases invernerial en la economia industrial moderna. Multe de la cambias oservada de la desenio 1950 es sin presedente en la arcivo strumental de temperatures, e en la arcivos de proxi, paleo-climal e istorial, de la cambia de clima en miles o miliones de anos.