Biografia

De Vicipedia
Per plu, vide categoria biografia

Un biografia es un descrive detaliosa de la vive de un person. Lo inclui plu ca fatos como educa, carera, relatas, e moria; lo mostra la esperia de esta avenis. No como un profil o resoma, un biografia presenta la nara de la vive de la sujeto, asentuante aspetas variosa de sua vive, incluinte detalias intima de esperia, e pote inclui un analise de sua personalia.

Obras biografial es la plu comun libros de fato, ma libros de imajina pote ance es usada per mostra la vive de un person. Biografias pote ance es en la forma de filmas e presentas teatral.

Un biografia autorida es scriveda con la permete, coopera, e a veses partisipa de la sujeto o la eritores de la sujeto. Un autobiografia es scriveda par la sujeto se mesma, a veses con la aida de un colaboror o "autor fantasmal".

Orijinal, scrives biografial ia es regardada sola como un parte de istoria, con la foca sur un individua importante en istoria. La jenero autonom de biografia, distinguida de istoria propre, ia comensa developa en la sentenio 18, e ia ateni sua forma moderna a la comensa de la sentenio 20.

Esemplos:

Cornelius Nepos: Excellentium Imperatorum Vitae (Vives de jenerales eselente), 44 BC.

Plutarch: Βίοι Παράλληλοι (Vive paralel), circa 80 AD.

Einhard: Vita Karoli Magni (Vive de Carlo la grande) (circa 800s).

Ibn Sa'd al-Baghdadi: Kitab Tabaqat Al-Kubra (La libro de la clases major), circa 800s.

John Foxe: The Book of Martyrs (La libro de la martires), 1563.

Sir Thomas Malory: Le Morte d'Arthur (La mori de Artur), 1485.

Giorgio Vasari: Le Vite de' più eccellenti pittori, scultori, e architettori (Vives de depintores, scultores, e arcitetores eselente), 1550.

Thomas Fuller: The History of the Worthies of England (La istoria de la bravas de England), 1662.

Charles Johnson: History of the Pyrates (La istoria de la piratas), 1724.

James Boswell: The Life of Samuel Johnson (La vive de Samuel Johnson), 1791.

Lytton Strachey: Eminent Victorians (Vitorianes meritosa), 1918.