Basin Grande
La Basin Grande es la area la plu grande de basines endoreica (pd isolida de mares) en America Norde. Lo estende tra cuasi tota de Nevada, partes grande de Oregon e Utah, e partes de California, Idaho, e Wyoming. Lo es notada per su clima seca e la topografia cual varia de la punto la plu basa de America Norde en la Vale de Mori, e la punto la plu alta de la SUA de 48 statos a Monte Whitney - e la du es min ca 160 m de lunlotra. La nom "Great Basin" ia refere a la fato ce la natur idrografial mostra ce lo ave no lia a la mares.
La cultures de la Basin Grande de americanes orijinal refere a la popla locada entre la Montes Rocosa e la Nevada Sierra. La area covre sirca 1,000,000 km2, sirca du veses la area de la Basin Grande como definida idrografial.
La abita par tribus de la Basin Grande ia comensa tan temprana como 10,000 aec. Indicas arceolojial de areas abitada longo la riva de Lago Lahontan ia dati de la fini de la eda de glasia cuando sua riva ia es sirca 150 m plu alta longo la lados de la montes cual ensirca lo. La basin ia es abitada per a min alga miles de anios par popla parlante la linguas uto-astecan, incluinte la xoxone, ut, mono, e paiut norde.
Esplora par europeanes de la Basin Grande ia aveni en la sentenio 18 entre la coloni de la Americas par la espanioles.