Baleto

De Vicipedia
Jump to navigation Jump to search
"La clase de dansa", par Edgar Degas (1874)

Baleto es un tipo de dansa per presenta cual ia orijina en la renase italian en la sentenio 15, e plu tarde ia es developada a un forma de dansa de conserta en Frans e Rusia. A pos, lo ia estende tra la mundo, como un forma de dansa multe tecnical con sua propre vocabula fundida sur termes franses. Baleto ia es enseniada en scolas variosa tra la mundo, cual ia introdui formas de otra dansas e otra cultures.

Un baleto, como un obra, es composada de la coreografia e musica per un produi. Baletos es coreografida e presentada par dansores esperta. Baletos clasica es normal presentada con musica clasica e la usa de vestas e stadios fantasin. Baletos moderne como, per esemplo, la obras neoclasical par la coreografor american George Balanchine, es comun presentada en vestes simple (pe calsones e bodis de dansa) e sin la usa de senes detaliosa.

La parola "baleto" deriva de italian balletto ("un dansa peti"), de latina ballo e ballara ("dansa", nom e verbo), de elinica βαλλίζω (ballizo - "dansa o salta"). La forma engles es de la franses ballet (pronunsiada en ambos como "balé"), e en rusce lo es Балет ("balet").