Balcon

De Vicipedia
Jump to navigation Jump to search

Un balcon es un plataforma estendente de la mur de un construida, suportada par colonas o mensulas e encluida en un balustra, tipal supra la nivel prima.

La balcon malti tradisional es un balcon de lenio, cluida, e estendente de un mur. Per contrasta, un balcon de Julieta no estende. Lo es tipal un parte de un nivel alta, con un balustre. Balcones de Julieta comun envolve un ostaculo metal poneda a la fronte de un fenetra alta cual pote es abrida.

Balcones de Julieta es nomida per Julieta en la presenta Romeo e Julieta, par Shakespeare. En realia, la presenta no inclui un nota sur un balcon, ma sola estra un fenetra a cual Julieta apare. Un balcon Julio es un varia alga plu grande de la balcon de Julieta, e estende alga de la mur, e traversa plu ca un fenetra.

A veses, balcones es adatada per intendes ritual, per esemplo lo de la Basilica de San Petro a Roma, cuando la pape nova elejeda dona sua bondise "urbi et orbi" pos la conclave. En eglesas, balcones es a veses furnida per la cantores, e en la salones de banceta e simil, per la musicistes.

Un unis con un balcon tipal ave portes cual abri a un patio peti con balustre, un jardin peti o plantas en vasos. Un balcon franses no es un balcon vera, con portes cual abri a un balustre con un vista de un patio o la vista a su. Balcones es parte de la forma sculta de la construida cual permete fasadas nonregulada sin la custa de strutures interna nonregulada.