Baia Hudson

De Vicipedia
Un mapa de la Baia Hudson
Un urso blanca pasea sur la jelo a la Baia Hudson

La Baia Hudson (Inuktitut: Kangiqsualuk ilua, Franses: baie d'Hudson, Engles: Hudson Bay) es un corpo de acua salosa grande en Canada norde-este con un area de 1,230,000 km2, e drena un area multe grande - sirca 3,861,400 km2 - cual inclui partes grande de Canada norde e sentral, e partes de la SUA norde e sentral. Lo ave un estende sude nomida Baia James.

La baia es nomida per Henry Hudson, un marinor engles servinte la Compania Nederlandes de India Este. El ia contribui ance sua nom a la Rio Hudson en Nova York, SUA. La nome en Cri este es Wînipâkw, cual sinifia acua fangosa o marin. Esta nom es ance la orijin de la nom per Lago Winnipeg e la site Winnipeg.

La baia es alga basa e es nomida un mar "epicontinental", con un profundia promedia de sirca 100 metres. Lo es sirca 1370 longa e sirca 1050 km larga. A la este, lo es juntada con la Mar Atlantica par la Streta Hudson; a la norde, lo es juntada con la Mar Artica par la Basin Foxe (nomida per sua descovror) e la Streta Fury e Hecla (nomida per la du barcones engles cual ia esplora prima la area).