Astrolojia

De Vicipedia

Astrolojia es un siensa falsa cual usa la moves de la planetas tra la zodiaco per predise avenis importante en la vive de un person. Un person ci leje esta predises es nomida un astrolojiste. Siensistes moderna no crede ce astrolojia es vera, ma multe persones leje sua oroscopos (predises jeneral per un grupo de persones naseda entre un de la periodes de la zodiaco) en la jornales dial.

La zonas de la Zodiaco[edita | edita la fonte]

  • la Ovea — comensa a la ecuinote de primavera, a sirca un semana ante april
  • la Bove — comensa a sirca un semana ante maio
  • la Jemelos — comensa a sirca un semana ante junio
  • la Crabe — comensa a la solstisio de estate, a sirca un semana ante julio
  • la Leon — comensa a sirca un semana ante agosto
  • la Virjin — comensa a sirca un semana ante setembre
  • la Balansa — comensa a la ecuinote de autono, a sirca un semana ante otobre
  • la Scorpion — comensa a sirca un semana ante novembre
  • la Arcor — comensa a sirca un semana ante desembre
  • la Capra — comensa a la solstisio de inverno, a sirca un semana ante janero
  • la Acuor — comensa a sirca un semana ante febrero
  • la Pexes — comensa a sirca un semana ante marto