Arjila

Arjila es un tipo de materia natural de solo de tera con granes peti cual conteni minerales de arjila (filosilicatos de aluminio idrosa, pe caolinita, Al₂Si₂O₅(OH)₄). La plu de minerales de arjila pur es blanca o con color lejera, ma arjilas natural mostra un varia de colores de nonpures, como un color rojin o brunin de cuantias peti de osido de fero.

Arjilas developa moldablia cuando moiada ma pote es durida par foco. Arjila es la materia seramica conoseda la plu longa. Umanas preistorial ia descovre la cualias usosa de arjila e ia usa lo per fabrica seramica. Alga de la fratos de seramica la plu temprana ia es datida a sirca 14 000 aec, e tabletas de arjila ia es la media de scrive conoseda la plu temprana. Arjila es usada en multe prosedes industrial moderna, como la fabrica de paper, la produi de semento, e la filtri cimical. Entre un dui e du tris de la popla de la mundo abita o labora en construidas fabricada con arjila, frecuente coceda a brices, como un parte esensal de sua strutur de carga.