Argonautica

De Vicipedia
Jump to navigation Jump to search
La Argo, par Constantine Volanakis

Argonautica es un epica elinica scriveda par Apolonio de Rodes en la sentenio 3 aec. La sola epica eliniste survivente, lo nara la mito de la viaja de Iason e la argonautes per reprende la Lana Oro de Colcis distante.

La aventuras eroin e la relata entre Iason e Medea, un prinsesa perilosa de Colcis ia es ja bon conoseda par esecutores eleniste, cual ia permete ce Apolonio vade ultra la nara simple, cual dona un asentua erudita conveninte a la eda. Lo ia es la eda de la Biblioteca de Alexandria, e la epica inclui la rexercas par Apolonio sur jeografia, etnografia, la compara de relijios, e la leteratur de Homer.

Sua contribui xef a la tradision de epicas es en sua descrive de la ama entre Iason e Medea. El pare es la poesiste prima ci ia studia la "patolojia de ama". La Argonautica ia ave un efeto profundo sur la poesia latina: Lo ia es traduida par Varo Atacino e imitada par Valerio Flaco; lo ia influe Catulo e Ovidio; e lo ia furni Vergilio con un model per sua epica roman, la Eneida.