Arcimede

De Vicipedia
Jump to navigation Jump to search
Arcimede
Domenico-Fetti Archimedes 1620.jpg

Informa personal

Nase: s 287 aec, Siracusa, Sisilia (Magna Elas)
Mori: s 212 aec, Siracusa, Sisilia (Magna Elas)
Pais: Elas

Otra informas

Profesa: Matematiciste e inventor

Arcimedes de Siracusa (elinica: Ἀρχιμήδης; sirca 287 – sirca 212 aec) ia es un matematiciste, fisiciste, injenior, inventor, e astronomiste elinica, ci ia scrive obras importante sur jeometria plana, aritmetica e mecanica. El ia nase en Sisilia e ia instrui se en Misre.

El ia es la plu bon conoseda per sua descovre de la Prinsipe de Arcimede: un ojeto sumerjida en un licuida esperia un fortia de flota egal a la pesa de la licuida cual el desloca. An si poca detalias de sua vive es conoseda, el es regardada como un de la siensistes la plu importante en anticia.

En matematica pur, Arcimede ia preconose multe de la descovres de siensa moderna, como la calculo integral, par sua studias de la areas e volumes de figures solida curvida e la areas de figures plana. El ia confirma ce la volum de un sfera es du tris de la volum de un silindre cual ambie la sfera. Otra atenis matematical inclui la deriva de un cuasi esata estima de pi, la defini e investiga de la spiral nomida per el, e la crea de un sistem usante esponentes per espresa cuantias multe grande. El ia es ance un de la prima ci aplica matematica a avenis fisical, fundinte idrostatica e statica, incluinte un esplica de la prinsipe de la lever. El ia es atribuida con la desinia de macinas inovosa, como sua elicador, puleas composada, e macinas de gera defendente per proteje sua site Siracusa de invade. El ia previde calculo moderna e la analise par aplica consetas de infinitimes e la metodo de consuma per deriva e proba un cuantia de teorias jeometrial, incluinte la area de un sirculo, la area de la surfas e la volum de un sfera, e la area su un parabola.

Alga de sua obras sur matematica e mecanica survive aora, incluinte Sur corpos flotante, Sur arena, Sur la mesura de un sirculo, Sur spirales e Sur la sfera e la silindre.