Arbuto

De Vicipedia
La folia e fruta de la arbuto canadian

La arbutos composa un jenera de 12 spesies de planta florinte en la familia Ericaceae, nativa a rejiones temperada de la Mediteraneo, Europa ueste, la Isola Canario, e America Norde. La nomi ia es de la latina, e refere a la spesie Arbutus unedo.

Arbutos es arbores o arboretas peti con cortex roja e despelinte e baca roja e comable. Developa de fruta aveni sirca sinco menses pos poleni, donce la flores apare cuando la fruta de la anio pasada maturi. La culmina de flori es an april, e la culmina de fruti en otobre. Arbutos es usada como plantas de comeda par alga spesies de papilios de note e dia. Alga spesies es cultivada vasta como planta ornal estra sua estendes natural, an si cultiva es comun difisil, car los no tolera la disturba de sua radises. La ibride "marina" es multe plu ajustante e flori en jardines.

La arbuto ia es importante per la popla salix-de-stretas de Isola Vancouver, ci ia usa la cortex e folias per crea medisines per gripe, problemes de stomaco, e tuberculose, e como la funda per contraconsepis. La arbor es incluida en alga mitos de la etnico. Lo es un bon combustable car lo arde calda e longa. Multe statos en la norde-ueste de la SUA usa la lenio como un fonte de calda. Ma la lenio no es tipal usada per construi o carpenta car lo no crese reta. La fruta es comable ma ave sabor minima e no es comun comeda. En Portugal, la fruta es a veses distilada como un coniac potiosa nomida medronho, e en Madrid, lo es distilada como un licor dulse e frutosa nomida madroño, ambos de la nom comun per la arbuto en acel paises.

La arbuto es un parte de la scermo eraldial de la site de Madrid en Espania. El es nomida el oso y el madroño, la urso e la arbuto, e un sculta de un urso come la fruta de la arbuto sta en la sentro de la site. La imaje es videda sur taxis, sinias, construidas, etc.