Apiano
Apiano de Alexandria (elinica Ἀππιανὸς Ἀλεξανδρεύς Appianòs Alexandreús, latina Appianus Alexandrinus; s 95 – s 165) ia es un istoriste elinica con sitadania roman ci ia flori en la renas de la imperores roman Trajano, Hadriano e Antonino Pio.
Sua obra xef survivente (Ῥωμαϊκά Rhomaiká), conoseda como "Istoria roman", ia es scriveda en elinica en 24 libros, ante 165. Esta obra pare plu un serie de monografias ca un istoria liada. Lo parla sur varia poplas e paises de la tempos temprana asta sua ajunta ala Impero Roman, e survive en libros completa e fratos notable. La obra es multe valuada, spesial per la periodo de la geras interna.
La "Geras interna", sinco de la libros ultima en la corpo, conserna xef sur la fini de la Republica Roman e ave un prosimi a istoria fundida en la disputa.