Anio de lus

De Vicipedia
Jump to navigation Jump to search

La anio de lus es un unia de longia usada per espresa distantias astronomial. Lo es sirca 9,5 mil milion milion cilometres. Como definida par la Uni Astronomial Internasional (UAI), un anio de lus es la distantia tra cual lus viaja en un vacua en un anio julian (365,25 dias). Car lo inclui la parola "anio", a veses la terma "anio de lus" es malcomprendeda como un unia de tempo.

Anios de lus es la plu comun usada cuando on espresa distantias a stelas o otra distantias de scala galasial, spesial en publicis nonspesialiste o de siensa popular. La unia usual usada en astrometria profesal es la parsec (sirca 3,26 anios de lus).

Como definida par la UAI, la anio de lus es la multipli de la anio julian (365,25 dias, diferente de la 365,2425 dias de la anio gregorian) par la rapidia de lus (299 792 458 m/s). Ambos valuas es incluida en la Sistem UAI de Constantes Astronomial de 1976, usada de pos 1984. De esta, on pote deriva la convertis seguente.

1 light-year   = 9 460 730 472 580 800 metres (esata)
≈ 9,461 petametres
≈ 9,461 milion milion cilometres
≈ 5,878625 milion milion milias
≈ 63241,077 unias astronomial
≈ 0,306601 parseces

Istoria[edita | edita la fonte]

La anio de lus ia apare como unia a alga anios pos la mesura susedosa prima de la distantia a un stela otra ca la Sol, par Friedrich Bessel en 1838. La stela ia es 61 Cygni, e el ia usa un eliometre de 160 mm desiniada par Joseph von Fraunhofer. La unia la plu grande per espresa distantias tra la spasio a acel tempo ia es la unia astronomial, egal a la raio de la orbita de la Tera (1,5×108 km). En acel termas, calculas trigonometrial fundida sur la paralax de 61 Cygni (0,314 secondos de arco) ia mostra ce la distantia a l stela es 660 000 unias astronomial (9,9×1013km).

Bessel ia ajunta ce lus usa 10,3 anios per traversa esta distantia. El ia reconose ce sua lejores va gusta la imaje mental de la tempo aprosima de traversa de lus, ma el ia asteni de usa la anio de lus como unia. Cisa el ia prefere no espresa distantias en anios de lus car esta ta mali la esatia de sua datos de paralax, par causa de multipli par la rapidia de lus, un parametre nonserta. La rapidia de lus no ia esata sabeda en 1838; sua valua ia cambia en 1849 (Fizeau) e 1862 (Foucault). On ancora no ia regarda lo como un constante fundal de natur, e la move de lus tra la eter o spasio ia es ancora enigmosa.

An tal, la anio de lus ia apare como unia en 1851, en deutx, en un article astronomial popular par Otto Ule. Ule ia esplica la paradox ce la nom de un unia de distantia conteni "anio" par compara lo a un Wegstunde (un ora de pasea sur via). Un libro astronomial popular e contempora deutx ia nota ance ce "anio de lus" es un nom strana. En 1868, un jornal engles ia eticeti la anio de lus como un unia usada par deutxes. Arthur Eddington ia descrive la anio de lus como un unia nonoportun e nonpertinente, cual ia pasa de usa popular per apare en investigas tecnical a veses.

An si astronomistes moderna prefere tipal usa parseces, anios de lus es ancora popular usada en parla sur la estendes de spasio interstelal e intergalasial.