Almohade

De Vicipedia
Jump to navigation Jump to search
Bandera de la almohades.

La almohades ia es un promove relijial muslim liada a la federa de tribus berber de la Mazmutz. Lo ia es fundida en la sentenio 12 par Ibn Tumart entre la tribus berber de Maroco sude. Sirca 1120, la almohades ia constitui un stato berber en Tinmel en la Montes Atlas. Los ia suverti la dinastia almoravide, ci ia governa Maroco, en 1147 cuando Abd al-Mu'min al-Gumi ia concista Marrakesh e ia declara se califa. Los ia estende tra Magrib par 1159 e a Al-Andalus en 1172.

La domina almohade de Espania ia continua asta 1212, cuando Muhammad 3 "al-Nasir" ia es vinseda en la batalia de Las Navas de Tolosa par un alia de prinses cristian de Castilla, Aragon, Navarra e Portugal. Casi tota la domina moro en Espania ia es perdeda pronto a pos, con la grande sites moro de Cordoba e Sevilla cadente a la cristianes en ordina en 1236 e 1248.

La almohades ia continua governante en Africa asta la perde par partes de sua teritorio tra un revolta de tribus cual ia permete la asende de sua enemis, la meridines en 1215. La ultima representante de la linia, Idris al-Wathiq, ia es reduida a la posese de Marrakesh, do ia es asasinada par un sclavo en 1269, fininte la domina almohade de Magrib ueste.