Aliya

De Vicipedia

Aliya (ivri: עֲלִיָּה‎ "asende") es la migra de iudis de la diaspora a la Stato de Israel (Eretz Israel en ivri). Ance definida como la "ata de vade a alta" (pd a Jerusalem), la fa de aliya per vade a la tera de Israel es un de la prinsipes la plu fundal de sionisme. La ata oposada, la migra de la Stato de Israel, es definida en ivri como yerida ("desende"). La leje de reveni de la Stato de Israel dona a la iudis e sua desendentes diretos automata en relata a la abita e sitadania israeli.

Per la plu parte de la istoria iudi la iudis ia vive en la diaspora do aliya ia developa como un aspira nasional per la popla iudi, an si lo ia no es completida asta la developa de la move sioniste en la sentenio 19 tarda. La migra a grande scala de iudis a Filastin ia comensa en 1882. De la institui de la Stato de Israel en 1948, plu ca 3 milion iudis ia move a Israel. En 2014, Israel e Filastin ia ave la 42,9% de la popla iudi mundal.

Etimolojia[edita | edita la fonte]

Aliya en ivri sinifia "asende". La tradision iudi vide viaja a la tera de Israel como un asende, ambos jeografial e metafisical. Cualcun viajante a Israel de Misre, Babilonia o la Basin Mediteraneo, do multe iudis ia vive en la tempo de la rabis temprana, ia asende a un altia plu alta. Visita Ieruxalim, ance envolve "asende".