Alge

De Vicipedia
Jump to navigation Jump to search
Un foresta de fuca

Alges (de latina "alga") es un grupo grande e variante de organismes simple e tipal autotrofial, cual inclui formas uniselulal e ance formas como la fuca jigante cual crese a 65 metres de longia. Alges es fotosintesal como plantas, ma sua texedas no es organizada en la multe organos distinguida como en plantas teran.

La plu de alges simple es flagelines o ameboines, ma formas colonial e nonmovente ia developa separada entre grupos variosa. Niveles de organiza inclui estas:

  • Colonial: grupos peti de selulas movente
  • Capsoide: selulas individua e nonmovente, caxida en muco
  • Cocoide: selulas individua e nonmovente con mures selulal
  • Palmeloide: selulas nonmovente, caxida en muco
  • Filetos: un fileta de selulas nomovente, juntada la un a la otra, a veses raminte
  • Parencimatos: selulas cual formi un talo con difere partal de texedas

En tre linias un organiza plu alta es atenida, con difere completa de texedas. Estas es la alges brun (de cual alga ateni longias de 50 m), la alges roja, e la alges verde. La formas la plu complicada es trovada en la alges verde, en un linia cual ia evolui a la plantas teran. Cuando la vivente ave organos de reprodui con stratos de selulas protejente, lo no es plu nomida "alge".