Akbar la Grande

De Vicipedia
Jump to navigation Jump to search
Akbar la Grande
Court of Akbar from Akbarnama.jpg

Informa personal

Pais: Fictional flag of the Mughal Empire.svg Impero Mugul

Otra informas

Profesa: Imperor

Akbar, Jalal ud-Din Muhammad (1542–1605), ia es la imperor mugul de Barat de pos 1556, cuando el ia segue sua padre Humaiun. El ia afirma gradal sua rena tra tota Barat. On regarda el como la plu grande de la imperores mugul, e la firmia e la sajia de sua governa ia gania a el la titulo de Gardor de Umania. El ia es un padron de la artes. Akbar ia afirma la tolera per la popla indu major, librinte los de alga impostas. El ia crea sua propre relijio ecletica reial ("relijio divin"; urdu: Din Illahi), ia repara la sistem de imposta la imobilas, e ia fundi un sistem plu sentrida de controla political. El ia move tempora la capital mugul de Agra a la site nova visina Fatehpur Sikri (1569–85), e a Lahore (1585–99).

On crede ce Akbar, como ance sua madre e otra membros de sua familia, ia es muslimes suni hanafi. Sua dias temprana ia pasa en la fondo de un atmosfera en cual la emosias libraliste ia es corajida. De la sentenio 1, un numero de gidores en diversa partes de la pais ia adota un politica plu libraliste de tolera relijial, atentante coraji un armonia comunial entre la indus e la muslimes. Esta emosias ia es ante corajida para la instruis de santas popular como Guru Nanak, Kabir e Chaintanya e la strofes de la poesiste persian Hafez cual ia defende compatia umana e un punto de vista libraliste e ia influe en la politica de tolera de Akbar consernante relijio.