Abaco

De Vicipedia
Abaco rusce

Un abaco es un util per fa calculas aritmetical. Lo es xef usada en partes de Asia.

Oji, abacos es comun construida como strutures de bambu en cual perletas es liscable sur filos. Ma en la abacos orijinal, on ia move favas o calculos en ranures en la arena, o sur tabletas de lenio, petra o metal.

La abaco ia es usada tra sentenios ante la adota de la sistem moderna de scrive numeros. Lo es ancora vasta usada par mercatores e caxores en Asia, Africa e otra locas.

Istoria[edita | edita la fonte]

Egipte[edita | edita la fonte]

La usa de la abaco en Egipte Antica es notada par la istoriste elinica Herodoto, ci ia scrive ce la egipsianes ia manipula la calculos de destra a sinistra, oposada a la dirije de la metodo elinica de sinistra a destra. Arceolojistes ia trova discos de grandia diferente cual es pensada los ia pote es usada como calculos. An tal, los ia no trova depintas de esta util en la mures.

Elas[edita | edita la fonte]

La atesta la plu temprana de la usa de abaco en Elas data de la sentenio 5 aec. Ance Demostene (384 aec - 322 aec) ia parla de la nesesa de calculos per calculas tro difisil per la testa. Un presenta teatral par Alexi de la sentenio 4 aec parla de un abaco e calculos per contablia, e ambos Diogene e Polibio refere omes ci ia sta a veses plu tempo, a veses min tempo, como la calculos en la abaco. La abaco elinica ia es un table de lenio o marmo. Esta abaco ia es usada en la Persia acemenan, par la sivilia etrusca, en Roma antica e, asta la Revolui Franses, en la mundo cristian ueste.