Linguas paleosibirica
Linguas paleosibirica es termas de conveni usada en linguistica per clasi un grupo jeografial de linguas isolida e alga familias peti de linguas parlada en partes de Sibir norde-este e plu este. Los no ave cualce relata linguistica a lunlotra. La sola lia comun es ce los es crededa plu alta ca la linguas plu dominante, spesial la linguas tungusica e (plu tarde) la linguas turcica cual ia move plu norde e este. An plu resente la linguas turcica e tungusica ia es desponeda par rusce.
Cuatro familias peti e linguas isolida es comun videda como paleosibirica:
La linguas txuctxi-camtxatcan, a veses nomida luoravetlan, inclui txuctxi e sua relatas prosima, coriac, coriac, e cerec. Itelman, ance nomida camtxadal, es ance relatada plu distante. Txuctxi, coriac, e alutor es parlada en Ocrug Autonom de Txucotca, e la Crai de Camtxatca par comunias de miles de persones. Cerek es resente estinguida, e itelmen es parlada par min ca 100 persones vea a la costa ueste de la penisola Camtxatca.
Nivhi es parlada en la basin basa de la rio Amur e en la dui norde de isola Sahalin. Lo ave un leteratur moderne.
La linguas iucagir es parlada en du varias nonintercomprendable - uadul e odul - en Saha (Iakutia). Otra linguas, incluinte huvantsi, parlada plu interna e plu este, es aora estinguida. Alga linguistes vide iucagir como relatada a la linguas uralica.
Cet es parlada en la basin sentral de la rio Ienisei en Crai de Crasnoiarsc par no plu ca 200 persones. Lo es la resta final de un familia peti, la linguas ieniseian. La lingua diuc es resente estinguida.