Abraham
Abraham (ivri: אַבְרָהָם, Avraham; arabi ابراهيم, Ibrāhīm) es la prima de la tre Patriarcas de iudisme. Sua istoria es narada en tota la testos santa de cristianisme, iudisme e islam, e el es un esemplo de fida per esta tre relijios.
En iudisme es la padre fundor de la acorda, la relata spesial entre la popla iudi e Dio -un crede cual dona a la iudis un loca unica como la Popla elejeda par Dio. En cristianisme, la apostol Paulo ia ensenia ce la fida de Abraham en Dio -ante la leje de Moises- ia fa de el un model de tota la credores, sircosideda e nonsircosideda. La profeta muslim Muhammad ia contrademostra la declaras iudi de un relata escluinte con Dio e la Acorda.
La nara de Abraham no pote es relata con un tempo spesifada, e lo es comun acordada ce la eda de la patriarcas, junta a la parti e la periodo de la judores, es un construi leteratural cual no es relatada a alga periodo de la istoria. Un ipotese comun entre eruditas es ce lo ia es composada en la periodo persian temprana (sentenio 6 tarda aec).
Orijina de la nara[edita | edita la fonte]
La nom de Abraham es aparente multe antica, como la tradision trovada en Jenese no comprende sua sinifia orijinal (probable "Padre es lodada" - la sinifia ofreda en Jenese 17:5 "Padre de un multia", es un etimolojia popular"). La nara, como aceles de la otra patriarcas, multe probable ave un preistoria parlada importante. A serta grado la tradisiones parlada ia deveni parte de la tradision scriveda de la Pentateuco; un majoria de eruditas crede esta grado parteni a la periodo persian, aprosima entre la 520 e la 350 aec.