Xace de hobites
La xace de hobites es un varia de xace tradisional en cual la capasias de la peones - renomida "hobites" - es bonida. Como en xace, la peones - aora hobites - es poneda a la grado du, e la otra pesos en sua loca tradisional a la grado un. Ma la hobites pote move un paso en cualce dirije ortogonal, e catura en cualce dirije diagonal. Sua potia es tal ce avansa cuando ateni la grado un de la oposor, e la move duple de peones, no es usada. Lo ave un regula plu: on no pote retarda la jua par move un peso en un turno e reveni a la cuadro orijinal en la seguente. Un re su ataca es la sola eseta.
Xace de hobites ave un varia cual usa un table 9 par 9. En la grado prima, un rena du es ajuntada a la otra lado de la re de la rena orijinal. En la grado du, 9 hobites. Car lal bispos es alora a la mesma color, on pote intercambia un de la bispos con sua cavalero visina, en un modo simil a la move de roca per la re e la tore.