Vincent van Gogh

De Vicipedia
Vincent van Gogh

Informa personal

Nase: 30 marto 1853 a Zundert, Nederland
Mori: 29 julio 1890 a Auberge Ravoux, Auvers-sur-Oise, Frans
Pais: Nederland

Otra informas

Profesa: Depintor
Move: Espresisme e posimpresisme

Vincent Willem van Gogh (1853-1890) ia es un depintor nederlandes. Sua operas representa la arcetipo de espresisme: la idea de spontania emosial en depinti. El ia nase en Groot-Zundert. Sua pitures de campaniores, oscur e sombre, a alga veses cru, mostra la desira de Van Gogh de espresa sua vide de miseria e povria umana.

En 1886 Van Gogh ia vade a Paris per vive con sua frate, Théo van Gogh, un vendor de arte. Influeda par la opera de la impresistes e par la opera de la primores japanes, el ia adota ance la tinjes briliante trovada en pitures de la artistes franses Camille Pissarro e Georges Seurat. En 1888 Van Gogh ia move a Provence en la sude de Frans, do el ia depinti senas de la natur e vive de esta area. El ia comensa usa la moves jirante de brosa e tinjes intensa de la blus, verdes e jalas, ce es liada con operas como La note stelosa (1889, Museo de Arte Moderna, site de New York).

Un dispute con la depintor franses Paul Gauguin ia resulta ce Van Gogh sufri de talia un parte de sua orea propre. Su cura medical seguente, el ia depinti continuante, entre atacas repetente de dementia. Pronto pos completi sua Campo de trigo con corvos de aspeta tristinte (1890, Rijksmuseum Vincent van Gogh, Amsterdam, Nederland), el ia mori par suiside.