Vici

De Vicipedia

Un vici es un loca de rede cual permete sua lejores crea e cambia la pajes, usante sola sua surfador. Pajes de rede es usual scriveda en HTML, un lingua alga complicada. En un vici, par contrasta, on cambia la pajes usante un lingua de marca multe simplida, o an un editador cual mostra direta la aspeta tipografial de la pajes (ance nomida "wysiwyg", de la engles "what you see is what you get" - "cual tu vide es cual tu ave").

Vicis es comun usada per crea pajerias colaborda de comunias, per la manteni de notas personal, en redes de companias, e en sistemes per maneja sabes. Un de la vicis la plu bon conoseda es Vicipedia, un ensiclopedia grande, scriveda par se lejores.

Ward Cunningham, la developor de la programa prima de vici, "WikiWikiWeb", ia descrive lo como "la banco de datos enlinia la plu simple cual pote an opera".

La nom "vici" deveni de la parola hauaian "wiki" cual sinifia "rapida", car vicis es un modo rapida per crea pajes de rede.