Teraza (jua)

De Vicipedia
Jump to navigation Jump to search
Studiantes xines en Yantai jua teraza sur un table cual los ia fabrica

Teraza (o, ofisial, Terrace) es un jua de stratejia juada par 2, 3, o 4 juores sur un table 8 par 8 de 4 niveles, o 6 par 6 de 3 niveles. La ia gania premios de Games (magazine), Mensa International, e Industrial Designers Society of America, e deveni plu conoseda pos apare sur la program de televide Star Trek, the Next Genertion.

La jua orijinal ave 64 cuadros, ordinada en niveles ("terazas") en la formas de Ls, cual crese en altia de la cuadros la plu basa en la du cantos diagonal oposada, a la du cuadros la plu alta en la otra du cantos. Tota 8 pesos ave la mesma forma, ma ave 4 formas diferente. Los ave la mesma moves, ma ave potias diferente. La peso la plu peti ave la letera T e ave un rol alga simil a la re en xace. La jua ave du goles posible: Move tua peso T de sua comensa a un canto a la canto oposante; O catura la peso T de sua oposor.

Pesos pote move cualce cuadros sur la mesma teraza, incluinte salta la supra sua propre pesos (ma no los de sua oposor). Pesos pote move a un teraza plu alta par move ala un cuadro direta o un cuadro diagonal. Juores pote move a un teraza plu basa sola par move direta a su. Pesos de sua oposor pote es catura sola par move diagonal a su, ma sola si la peso es de un grande egal o min grande. On pote ance catura sua propre pesos, un move cual permete la sutrae de la peso per aida sua taticas. On debe dise "teraza" si la peso T es menasada par catura en la turno seguente, o "mata" si lo no pote evade catura. En juas con 3 o 4 juores, cuando un juor perde sua peso T, tota de sua pesos es sutraeda de la table, e la otra juores continua jua. Si un juor no pote move, la jua ave un fini egal, e no ganior e no perdor.

La jua orijinal ia es inventada en 1950 par la nederlandes-american Anton Dresden (1915-2006). Sua regulas no opera bon, ma en 1988, el ia mostra la jua a sura visina Buzz Siler, ci ia compra la diretos per $100 e boni la regulas. En 1997, un varia ia es introduida con la mesma regulas ma un 6 par 6 table, la resulta de problemes legal de la fabrica de la jua orijinal.