Teeko
Teeko (pronunsiada "tico"]] es un jua astrata de stratejia inventada par John Scarne en 1937 e rerelasada en 1952 e ancora en la desenio de 1960. Lo ia es produida par John Scarne Games, Inc.
La table per teeko es composada de 25 cuadros ordinada en un grilia de sinco par sinco. On ave oto pesos, cuatro negra e cuatro roja. La juor "negra" move prima par pone un peso sur cualce cuadro sur la table. La juor "roja" alor pone un peso sur un cuadro vacua. Alora, cada juor, en sua turno, continua pone sua pesos asta tota pesos es sur la tble. La gol de la jua es per un juor o la otra per gania par ave tota cuatro de sua pesos en un linia (vertical, orizonal, o diagonal) o en un cuadro de cuatro pesos. Si no juor ia gania pos esta fase comensante, la jua continua par move sua pesos un a un ves. Pesos pote es moveda sola a un cuadro ajuntante. Denova, la juor ci pote move sua pesos per crea un linia o cuadro de cuatro pesos es la ganior.
La jua es fasil aprendeda, con alga similias a molen o tictacto, ma lo es sufisinte complicada ce lo presenta un defia an a un adulte esperiosa. An tal, programas de computadores ia mostra ce, si ambos juores jua perfeta, la jua es sempre un fini egal.