Sun Zi
Sun Zi (o Sun Tzu, xines: 孫子) ia es un jeneral xines, un stratejior militar, un scrivor, e un filosofiste ci ia vive en al periodo Zhou este de Xina antica. Sun Zi es tradisional reconoseda como la autor de la "Arte de gera", un obra multe influente de stratejia militar cual ia afeta la filosofia e ideas militar de la ueste e de Asia este. Esta esta libro, Sun Zi ia es adorada en la cultur de Xina e Asia este como un person istorial importante. Sua nom de nase ia es Sun Wu, e estra sua familia, el ia es nomida Changqing. La nom Sun Zi es la nom plu reconoseda en la mundo ueste, con la sinifia "mestre Sun".
La istoristes Sima Qian de la dinastia Han e otra istoristes tradisional de Xina dise ce el ia es un ministro su re Helu de Wu, e sujeste ce sua vive ia es de 544 a 496 aec. Eruditas moderne aseta ce Sun Zi ia es un person real, ma pensa ce la testo de la Arte de gera ia es scriveda en la periodo de la statos gerante par analise la stilo leteral e la descrives de gera. La desendente de Sun Zi, Sun Bin, ance ia scrive un testo par la mesma nom, e lo es posible ce la du ia es confused per lunlotra.
La obra par Sun Zi ia es lodada e usada en gera de Asia este de sua composa. En la sentenio 20, la popularia de la libro ia crese e ia es trovada usosa en sosia ueste ance. Lo continua influe multe emprendes tra la mundo, incluinte politica, comersia, cultur, e sportes, en ajunta a gera moderne.