Sulauesi

De Vicipedia
(Redirijeda de Sulawesi)
La topografia de Sulauesi
La Parce Nasional de Tangcoco
La eucalipto de la arco de sielo
Un vist de Bunacen
Dansores representente cuatro etnicos
Dansores de Toraja

Sulauesi, ance conoseda como Selebres, es un de la cuatro isolas de la Sunda area. Lo es governada par Indonesia. La isola 11 en grandia en la mundo, lo es locada este de Borneo, ueste de la Isolas Malucu, e sude de Mindanao e la Isolas Sulu. En Indonesia, sola Sumatra, Borneo, e Papua es plu grande en teritorio, e sola Djava e Sumatra ave plu abitantes.

La conta de abitantes de 2000 ia reporta ce Sulauesi ave sirca 15 milion persones, 7.25% de la tota en Indonesia. En 2010, la cuantia de popla ia ateni plu ca 17 milion, e la estima per 2019 es cuasi 20 milion. La site la plu grande es Makassar.

La relijio xef en Sulauesi es Islam, e la plu de los es Suni. Islam ia es introduida en la sentenio 17 temprana. 17% de la popla es cristian protestante, e 2% es catolica. Comunias plu peti de budistes e induistes es ance trovada, tipal entre la comunias Xines, Bali, e Indian.

Sur la isola de Sulauesi, 114 linguas nativa es parlada, tota de los de la familia de linguas austronesian.

La tera de Sulauesi inclui cuatro penisolas: la Penisola Minahasa norde, la Penisola Este, la Penisola Sude, e la Penisola Sude-este. Tre golfos separa estas: la Golfo Tomini, la Golfo Tolo, e la Golfo Bone. La Streta Makassar core longo la lado ueste de la isola, e separa lo de Borneo.

La isola inclina a supra de la costa de a mares profonda cual ensirca la isola, a un interna montaniosa. Alga volcanes es trovada en la Penisola Minahasa, estende a norde a la Isolas Sangihe. La Penisola Norde ave alga volcanes ativa, como Monte Lokon, Monte Awu, Soputan, e Karangetang.

La problem la plu grande de la ecosistem en Sulauesi es desforesti. En 2007, siensistes ia trova ce 80% de la foresta ia es perdeda o danada, spesial en la areas basa e la areas de rizoforas. La causas xef es esplota de forestas per lenio e per cultiverias grande. Multe spesies nativa ia deveni menasada. Plu, 99% de la pantanes ia es perdeda o danada.

La coloni de Sulauesi sude par umanas moderna ia es datida a sirca 50,000 aec. En la milenio 2, un grupo ia ariva de Borneo este parlante un lingua asedente a los de Sulauesi sude. Migras seguente tra la tera montaniosa ia resulta en la isola de esta poplas, e sua linguas ia fende entre la 8 familias de la grupos de Sulauesi sude. La bugis - la grupo con la plu persones - ia abita en sua loca per 2000 anios.

En Sulauesi sentral, on ave plu ca 400 megalitos de granito, cual studias arceolojial ia dati de 3000 aec a 1300 ec. Sirca 30 de los representa formas umana. En 2014, depintas en cavas en Maros ia es descovreda, datida como sirca 40,000 anios de vea. Un depinta de un mano ia es datida como 39,900 anios de vea, cual sujesta ce lo es la stensil de un mano la plu vea en la mundo. A un lado de esta mano es la imaje de un porco de 35,400 anios. En 2019, los ia descovre la depintas de senas de xasa la plu vea en la mundo en arte preistorial.

Comensante en la sentenio 13, asede a benes valuada de comersia e a locas de fero ia comensa cambia la tradisiones cultural vea, e ia permete ce persones aspirante per developa unias politica plu grande. La europeanes prima cual visita la isola ia es marinores portuges. Simao de Abreu, en 1523, e Gomes de Sequeira, en 1525, ia viaja de la Malucus xercante per oro, cual la isolas ia ave un reputa de produi.

En 1905, la isola completa ia deveni un parte de la colonia de Nederland, asta la ocupa par la japanes en la Gera Mundal 2. En 1949, Sulauesi ia deveni parte de Indonesia.